&& غبار السجاد&&
وانا ماشى فى الشارع
وصدفة وبدون معاد
وانا جدع وواد بارع
وبقول مين كدى فى البلاد
بتكلم فى تليفونى عادى
وسارح فى هموم العباد
بصيت لقيت صبية
حور عين الجنة يا اسياد
طالع القمر من الشباك
ومن امتى القمر ينفض سجاد
عيونى جات فى عنيها
رقصت روحى والنبض زاد
ارتجف قلبى بين ضلوعى
والجسم مال محتاج إسناد
والعقل طار ماستوعبشى
كأنى مجنون من الشراد
غبار السجادة دخل عيونى
ضحكتها سكرتنى والوهل زاد
قالت اسفة والله ما قصدى
قولتلها فداكى عيون الواد
ضحكت ضحكة خطفتنى
اثرها حتورثه الاحفاد
ومن يومها عيونها وجعني
ومش عايز اغسل عيونى
من غبار السجاد
مجرد خربشات
2018-06-16
